Oslo Conference on Rohingyas ၌ Dr. Jose Romos-Horta ပြောကြားသည့် ဗီဒီယို မိန့်ခွန်း



မေ ၂၆၊ ၂၀၁၅
အောစလို၊ နော်ဝေး

ဟဲလို။ အခု ဟိုဆေး ရာမို့စ် အော့တာ နယူးယော့ခ် ကနေ စကား ပြောနေတာပါ။ အခုလို မြန်မာပြည်ဟာ ရွေးကောက်ပွဲ တွေဆီကို ဦးတည်နေပြီး ဒီမိုကရေစီ၊ လွတ်လပ်မှု နှင့် တရား ဥပဒေ စိုးမိုးမှု တို့ကို ပေါင်းစည်း ပေးတော့မယ်လို့ မျှော်လင့် ယူဆ ရတဲ့ အချိန်နဲ့ ချိန်သားကိုက် အရေးကြီးတဲ့ စုဝေးပွဲကြီးမှာ အော်စလိုမှာ ရှိမနေနိုင်တဲ့ အတွက် ကျနော် ဝမ်းနည်း ပါတယ်။

ကျနော်ဟာ မြန်မာ့ အရေး ကျွမ်းကျင်သူ တယောက်ရယ်လို့ မပြောကြားနိုင်ပေမယ့် မြန်မာပြည်နဲ့ အင်မတန် ရင်းနှီး ကျွမ်းဝင် လှပါတယ်။ ကျနော့်ရဲ့ နောက်ခံ အတိတ်ကာလက လှုပ်ရှားမှုတွေကို မသိကြသေးသူတွေအတွက် ပြောရရင် ကျနော်ဟာ မြန်မာပြည်ပေါ် ဘယ်သူမှ အာရုံမစိုက်ကြသေးခင် ၁၉၉၄ ခုနှစ် ဇူလိုင်လထဲမှာ မြန်မာပြည်ကို ပထမဦးဆုံးအကြိမ်သွားခဲ့ပါတယ်။ ချင်းမိုင်ကနေ နယ်ခြားကို ဖြတ်ပြီး မဏိပူရအထိ ကျနော်သွားခဲ့ပါတယ်။ အဲဒီမှာ လုပ်ဖော်ကိုင်ဖက်အချို့နဲ့အတူ ကျနော်ဟာ ကျောင်းသားတွေ၊ တက်ကြွလှုပ်ရှားသူတွေကို အပြည်ပြည်ဆိုင်ရာ လူ့အခွင့်အရေးများ နဲ့ သံတမန်ရေးရာ လေ့ကျင့်ရေးပရိုဂရမ်တခုကို ပြုလုပ်သင်ကြားခဲ့ပါတယ်။ အဲသည် ကျနော်သိတဲ့ ကျောင်းသားနဲ့ တက်ကြွလှုပ်ရှားသူအများစုဟာ ကနေ့အခါမှာ သူတို့ဇာတိတိုင်းပြည်ဖြစ်တဲ့ ရန်ကုန်ကို ပြန်လည်ရောက်ရှိနေကြပြီး မြန်မာပြည်တွင်းက ဒီဖြစ်စဉ်မှာ ပူးပေါင်းပါဝင်နေကြပါတယ်။

ကမ္ဘာပေါ်မှာ လစ်လျူအရှုခံရဆုံး၊ မေ့ထားခံရဆုံး လူမျိုးတမျိုးကို ပြပါဆိုရင် မြန်မာပြည်က ရိုဟင်ဂျာတွေလို့ပဲ ကျနော်တို့ ပြောရပါမယ်။ ကျနော်တို့အားလုံးဟာ ဒီကမ္ဘာဂြိုဟ်ပေါ်က လူသားများပဲ ဖြစ်ကြပါတယ်။ မြန်မာပြည်ဟာ တိုင်းရင်းသားအုပ်စုပေါင်းစုံ အရောအနှောတခုပဲဖြစ်ပါတယ်။ ယဉ်ကျေးမှုတွေ၊ တန်ဘိုးတွေ၊ မတူညီသော အတွေ့အကြုံတွေကို ပေါင်းစပ်ထားတဲ့ နေရာလည်း ဖြစ်ပါတယ်။ လွှမ်းမိုးမှုတွေ များပြားလှတဲ့ အာရှက လမ်းဆုံလမ်းခွ တခုဖြစ်ပါတယ်။

လူသားတွေအနေနဲ့၊ မြန်မာနိုင်ငံသားတွေအနေနဲ့ ရိုဟင်ဂျာတွေဟာ အနည်းဆုံးသော အခွင့်အရေးတွေ၊ အနည်းဆုံးသော အကျိုးခံစားခွင့်တွေကိုသာ ရရှိနေကြပုံပါပဲ။ သာမန်ထက်ပိုကဲတဲ့ အကြမ်းဖက်မှုတွေ၊ အရှက်ခွဲမှုတွေ၊ သတ်ဖြတ်မှုတွေ နဲ့ ဘိုးဘွားပိုင်မြေကနေ ရိုဟင်ဂျာတွေကို နှင်ထုတ်တာတွေ ရှိနေပါတယ်။ သူတို့ဟာ အဲဒီနေရာမှာ နှစ်ထောင်ပေါင်းများစွာ နေလာခဲ့သည်ဖြစ်စေ၊ နှစ်ရာပေါင်းများစွာ နေလာခဲ့သည်ဖြစ်စေ၊ ဒါမှမဟုတ် မျိုးဆက်အနည်းငယ်မျှသာ နေလာခဲ့ကြသည်ဖြစ်စေ သူတို့ဟာ မြန်မာပြည်သူတွေအနေနဲ့ အခွင့်အရေးတွေ ရှိနေပါသေးတယ်။ ဘာကြောင့်လဲဆိုတော့ သူတို့ကို မြန်မာပြည်မှာပဲ မွေးဖွားခဲ့ကြလို့ ဖြစ်ပါတယ်။ သူတို့ဟာ အဲဒီနေရာမှာ မျိုးဆက်များစွာ နေထိုင်ခဲ့ကြပြီးဖြစ်တယ်။ ဘယ်လောက်ကြာကြာ နေခဲ့သလဲဆိုတာ အရေးမပါတော့ပါဘူး။ ရာစုနှစ်ထောင်ပေါင်းများစွာ နေခဲ့တာ ဖြစ်ပါစေ။

မြန်မာပြည်က ဘယ်အုပ်စုကိုမှ ကျနော် လက်ချာမပေးချင်ပါဘူး။ မြန်မာပြည်က အာဏာပိုင်တွေကိုလည်း လက်ချာ မပေးချင်ပါဘူး။ အာဏာရှင်စနစ်ကနေ ဒီမိုကရေစီစနစ်ကို အကူးအပြောင်း ဖြစ်စဉ်ဟာ ရှုပ်ထွေးပွေလီတယ်၊ ကောက်ကွေ့တယ်၊ ဘယ်လောက် ရှည်လျားမယ် မပြောနိုင်ဘူး ဆိုတာတွေကို ကျနော်သိပါတယ်။ ကျနော်တို့အားလုံးကနေပြီးတော့ ဆွေးနွေးညှိနှိုင်းတတ်တဲ့ ပတ်ဝန်းကျင်၊ အပြန်အလှန် လေးစားလက်ခံတဲ့ ပတ်ဝန်းကျင်၊ နိုင်ငံရေးအရ ပွင့်လင်းတဲ့၊ အရောင်အသွေးစုံလင်တဲ့၊ တိုင်းရင်းသားအားလုံးနဲ့ ဘာသာပေါင်းစုံအဖွဲ့အစည်းတွေကို အားလုံး ပွေ့ဖက်ကြိုဆိုတဲ့ မြန်မာပြည်ကို ဦးတည်စေမယ့် လမ်းပြမြေပုံတခုဆီ ရွေ့လျားသွားအောင် အခြေအနေ ပတ်ဝန်းကျင်တခုကို ဖန်တီးကြရပါမယ်။

ဒါပေမယ့် အပြောလွယ်သလောက် အလုပ်ခက်တယ်ဆိုတာ ကျနော်သိပါတယ်။ ဘာကြောင့်လဲဆိုတော့ သံသယတွေ ရှိနေကြတယ်။ အထင်အမြင်လွဲမှားမှုတွေ ရှိနေကြတယ်။ အဲဒီမှာ ခေါင်းဆောင်တွေရဲ့ကဏ္ဍ ရောက်လာတော့တာပဲ ။ ရပ်ရွာအဖွဲ့အစည်းအဆင့်က ခေါင်းဆောင်တွေ၊ နိုင်ငံအဆင့်က ခေါင်းဆောင်းတွေ တဦးနဲ့တဦး လက်ကမ်းထွေးပွေ့ရမယ်။ မေတ္တာနဲ့ ပြုမူဆောင်ရွက်ရမယ်။ ဥာဏ်အမြော်အမြင်နဲ့ ပြုမူဆောင်ရွက်ရမယ်။ မြန်မာပြည်ဟာ အရှေ့တောင်အာရှနဲ့ အာရှတခွင်မှာ လင်းလက်တဲ့ ဥပမာတခု ဖြစ်လာနိုင်တဲ့အထိ ရိုဟင်ဂျာတွေအပါအဝင် အားလုံးကို ထွေးပွေ့တဲ့ ခေါင်းဆောင်တွေဖြစ်ရမယ်။

ဒီကနေ့ လွတ်လပ်တဲ့အထွေထွေရွေးကောက်ပွဲအကြိုကာလအထိ လွတ်လပ်ရေးအတွက်၊ ဒီမိုကရေစီအတွက် မျိုးဆက်ပေါင်းများစွာ တိုက်ပွဲဝင်ကြိုးပမ်းခဲ့ကြတဲ့ မြန်မာပြည်က လူအပေါင်းကို ကျနော်က ထပ်မံ ချီးကျူးဂုဏ်ပြုလိုပါတယ်။ အဲဒီ ရွေးကောက်ပွဲမှာ အားလုံးပါဝင်နိုင်ကြမယ်လို့ မျှော်လင့်ပါတယ်။ ရိုဟင်ဂျာတွေ၊ မွတ်ဆလင်လူ့အဖွဲ့အစည်းတွေ နဲ့ အားလုံး လွတ်လပ်တဲ့ ပတ်ဝန်းကျင်မှာ အစစ်အဆေးမရှိ၊ အခြိမ်းအခြောက်မရှိဘဲ ပါဝင်နိုင်ကြဖို့ မျှော်လင့်ပါတယ်။ ရွေးကောက်ပွဲ ရလဒ်တွေ ထွက်လာတဲ့အခါ မြန်မာနိုင်ငံရဲ့ အနာဂတ်အသစ် ဖြစ်လာလိမ့်မယ်။ သင်တို့ရဲ့ လှပတဲ့တိုင်းပြည်မှာ ဒီမိုကရေစီစနစ်ခိုင်မာဖို့အတွက် နောက်ထပ် ခြေလှမ်းတလှမ်း ဖြစ်လာလိမ့်မယ်။

ဒီကွန်ဖရင့်စ်မှာ ခင်ဗျားတို့အားလုံး အောင်မြင်ကြပါစေလို့ ကျနော် ဆန္ဒပြုပါတယ်။ ကျနော် ပြုမြဲအတိုင်း ဘုရားသခင်ဆီမှာနဲ့ ဂရုဏာတော်ရှင်ထံမှာ မြန်မာပြည်သူပြည်သားတွေကို ဥာဏ်ပညာ၊ ပျော်ရွှင်မှု နဲ့ ကြွယ်ဝမှုတွေ ဆက်လက် ကောင်းချီးပေးတော်မူပါလို့ ဆုတောင်းပါတယ်။

0 comments:

Post a Comment

Note: Only a member of this blog may post a comment.